Besarta Jashari ka vizituar Kongresin Amerikan të Shteteve të Bashkuara të Amerikës së bashku me Vasfije Krasniqin.
Këtë njoftim e ka dhënë vetë ajo në “Facebook”. Jashari ka shkruar: “Në kuadër të vizitës time në Shtetet e Bashkuara të Amerikës, sot kisha kënaqësinë ta vizitoj Kongresin Amerikan.
E nderuar, takova kongresmenë që e njihnin Kosovën dhe në mënyrë aktive kontribuojnë për Kosovën. Së bashku me Vasfijen, Verën dhe Kadiren, mes të tjerash, takuam kongresmenin Collin Allred, i cili, përpos vlerësimit të lartë për punën e grave në Kosovë, premtoi që do të angazhohet për sigurimin e një rezolute e cila do të mundësojë hetimin e krimeve dhe dhunës seksuale të kryera nga forcat serbe mbi civilët në Kosovë.
Për krimet serbe në shekullin e kaluar ne nuk do të heshtim që kjo histori kurrë mos të përsëritet.
Shfrytëzova mundësinë që kongresistëve t’ua dhuroj librin ‘NEVER FORGET! – The Serbian Genocide on Albanians 1844-1999’ të autorëve prof. dr. Nusret Pllana dhe MSC. Agim Aliçkaj.
Krahas kësaj, asnjëherë nuk do të reshtim së kujtuari heroizmin dhe lavdinë e Ushtrisë Çlirimtare të Kosovës si frymëzim për atdhedashurinë.
Zoti e bekoftë Kosovën dhe ShBA-në!”.
Barella: Sot kundër një skuadre shumë të fortë dëshmuam se m...
Kurti: Të përkushtuar për të vërtetën dhe për drejtësi për t...
Shpërthimet në Liban, reagon kryeministri izraelit Netanyahu
Raportohet për një lëvizje të mundshme të Zhegrovës në të ar...
Biden pret të hënën homologun e Emirateve të Bashkuara Arabe...
Finlanda e mbron vendimin për të blerë armë izraelite