Përfaqësuesja e Përhershme e SHBA-së në OKB, Linda Thomas Greenfield tha se Koreja e Veriut këtë vit ka testuar 17 raketa balistike dhe se ka filluar të ndërtojë sërish terrenin testues bërthamor në përgatitje për testin e 7-të bërthamor, transmeton Anadolu Agency (AA).
Këshilli i Sigurimit të OKB-së u mblodh për të diskutuar testimet e fundit të raketave balistike të Koresë së Veriut.
Ambasadorja amerikane, Greenfield dënoi testet e raketave balistike të kryera nga Koreja e Veriut më 4 dhe 7 maj dhe tha se këto teste shkelin hapur rezolutat e Këshillit të Sigurimit të OKB-së.
“Koreja e Veriut vetëm këtë vit ka kryer 17 teste të raketës balistike”, tha Greenfield e cila shtoi se Pheniani ka filluar të ndërtojë sërish terrenin testues bërthamor në përgatitje për testin e 7-të bërthamor.
SHBA-ja kërkon zbatimin e sanksioneve të reja ndaj Koresë së Veriut
Duke akuzuar Kinën dhe Rusinë se dy vitet e fundit kanë penguar zbatimin dhe përditësimin e sanksioneve të vendosura ndaj Koresë së Veriut për shkak të programit të saj bërthamor, Greenfield tha se negociatat për rritjen e sanksioneve ndaj Koresë së Veriut janë drejt fundit dhe se Këshilli nuk duhet të heshtë për këtë çështje.
Mesazhi i Kinës për dialog dhe jo sanksione ndaj Koresë së Veriut
Përfaqësuesi i përhershëm i Kinës në OKB, Zhang Jun tha se aktualisht ndaj Koresë së Veriut nevojitet dialog në vend të sanksioneve dhe se sanksionet shtesë do ta përkeqësojnë situatën.
Këshilli i Sigurimit të OKB-së zbaton sanksione ekonomike dhe ushtarake ndaj Koresë së Veriut që nga viti 2006 për shkak të programit të saj bërthamor.
Pritja e Bill dhe Hillary Clinton, Osmani: Mes liderëve të s...
Marrëdhëniet mes Kosovës dhe Bahamas: Ministrat Gërvalla dhe...
Kurti: Qëllimi ynë nuk është që të veprojmë kundër këshillav...
Para mbledhjes së Asamblesë së OKB-së, shqiptarët në New Yor...
Kurti pas arritjes në New York: Pres të takohem me liderë të...
Kylian Mbappe më në fund bëhet edhe pronar i një klubi