James Rodriguez ka rrezikuar zemërimin e tifozëve të Real Madridit dhe Evertonit pasi mbështeti Liverpoolin për të fituar Ligën e Kampionëve këtë sezon.

Liverpooli do të përballet me Real Madridin në finale në Stade de France në Paris më 28 maj.

Është një përsëritje e finales së vitit 2018 në Kiev, kur Gareth Bale shënoi dy gola për të vulosur fitoren 3-1 për klubin spanjoll.

Pavarësisht se ka kaluar gjashtë vjet në Madrid më herët në karrierën e tij, Rodriguez thotë se dëshiron që Liverpooli të fitojë finalen e këtij sezoni për bashkëlojtarin e tij nga Kolumbia, Luis Diaz.

“Unë dua që Liverpool të jetë kampion. Kam shumë miq në Real Madrid dhe është një ekip i vështirë për këtë lloj ndeshjeje, por dua që Lucho (Diaz) të fitojë”, ka thënë Rodriguez për gazetarin kolumbian Pipe Sierra.

Rodriguez thuhet se ndihmoi të bindte Diazin që t’i bashkohej Liverpoolit në një transferim prej 37 milionë funtesh nga Porto në janar.

Tottenham Hotspur ishte fillimisht favorit për të nënshkruar me Diaz përpara se ai të zgjidhte një lëvizje në Anfield.

Sipas The Mirror, Diaz foli me Rodriguez dhe ish-sulmuesin e Manchester Unitedit dhe Chelseat, Radamel Falcao, të cilët e këshilluan atë të bashkohej me Liverpoolin.

Diaz ka impresionuar që kur mbërriti në Merseyside, duke shënuar pesë gola dhe duke dhënë katër asistime në 22 ndeshje për Reds.

Komentet e fundit të Rodriguez nuk ka gjasa të shkojnë mirë te Real Madridi, te të cilët ai shënoi 37 gola në 125 paraqitje midis viteve 2014 dhe 2020.

Ai gjithashtu është gati të zemërojë tifozët e Evertonit, të cilëve iu bashkua në një transferim të lirë pasi u largua nga Bernabeu.

Rodriguez u bë shpejt një i preferuar i tifozëve në Goodison Park, por do të kalonte vetëm një sezon me Toffees, duke shënuar gjashtë gola në 26 paraqitje, përpara se të largohej për klubin e Katarit Al Rayyan në shtator.