Anëtarët e Lidhjes Demokratike të Kosovës, të udhëhequr nga kryetari, Lumir Abdixhiku kanë vizituar bashkatdhetarët në Zvicër.
Deputeti i kësaj partie, Armend Zemaj ka shkruar një postim në Facebook pas këtij takimi.
“LDK do të udhëtojë me bashkatdhetarët në çdo hap politik”, ka shkruar Zemaj.
Edhe Anëtari i Kryesisë së LDK-së, që ishte pjesë e takimit me diasporën, Sokol Haliti ka shkruar se ishte një entuziazëm i madh, për rikthimin e madh të LDK-së në diasporë.
Haliti së bashku me kryetarin e LDK-së, Lumir Abdixhiku në 32 vjetorin e degës së LDK-së në Zvicër, kanë takuar veprimtarë të LDK-së në mërgatë.
“Takuam shumë ish themelues dhe aktivistë të cilët barten jetën politike dhe ende vazhdojnë të mbajnë gjallë frymën rugoviane. Ishte një entuziazëm i paparë, për rikthimin e madh të LDK-së në diasporë, si një ndër asetet tona më të mëdha kombëtare”, ka shkruar ai.
Kryetari i LDK-së, Lumir Abdixhiku ka filluar takimet me shqiptarët që gjenden në mërgatë, më saktësisht në Zvicër.
LDK: Qëndrojmë të bashkuar me popullin turk
Trepça pëson humbje në grupet e FIBA Europe Cup
Haradinaj mesazh komunitetit shqiptar në Amerikë: Kosova ka ...
Abdixhiku nga Rahoveci: Momenti për ndryshim është afër
Në 13 vite emigruan 550 mijë të rinj italianë, gjysma e të c...
Fero tregon si e zgjodhi rastin me vajzën e tij