Lideri i organizatës kriminale kolumbiane Clan del Golfo, Dario Antonio Usaga, i njohur edhe si Otoniel, u ekstradua të mërkurën për në Shtetet e Bashkuara, ku do të gjykohet për trafik të lëndëve narkotike.
Ekstradimi drejt Amerikës është një prej armëve që përdor Kolumbia për të luftuar trafikantët e drogës. Sipas autoriteteve kolumbiane, Otoniel ka trafikuar deri në 200 tonë kokainë nga Kolumbia.
Procedurat e dërgimit të Otoniel në SHBA nisën vetëm pasi Gjykata e Lartë e Kolumbisë pezulloi urdhrin e mëparshëm të saj për ndërprerjen e ekstradimeve.
Me jelek antiplumb dhe helmetë në kokë, Otoniel mbërriti në një bazë ajrore në Bogota, dhe u shoqërua nga policia kolumbianë në një avion.
Autoritetet thonë se 50-vjeçari është gjithashtu përgjegjës për vrasjen e qindra anëtarëve të forcave kolumbiane të sigurisë dhe kërkohet nga Shtetet e Bashkuara për trafik droge dhe armëmbajtje pa leje.
Ndërsa Kolumbia pretendon se Otoniel u arrestua tetorin e kaluar pas një operacioni ku u përfshinë qindra forca speciale, vetë trafikanti thotë se është dorëzuar./A2CNN
Nesër mbahet “Forumi për Sportin”
“Ai është anësori më i mirë në botë” – Lewandowski me këshil...
Romeo Veshaj po rikthehet pas shumë kohësh me këngë të re
Zelensky shpalos “planin e fitores” gjatë takimi...
Hamza nuk vendos vija të kuqe: Koalicioni me LDK-në më i pre...
Kusari-Lila tregon si ndodhi biseda me Milan Radoiçiqin