Google ADS

Dybala e ka zgjedhur klubin e ri, do të mbetet në Serie A

09:08 | 4 Maj 2022
Fjolla Bajraktari

Paulo Dybala e ka zgjedhur Interin.

Për këtë është e sigurt e përditshmja italiane, “Gazzetta dello Sport”, përcjell “Gazeta Express”.

Sulmuesi argjentinas do të ndahet në fund të këtij sezoni me Juventusin, me të cilin nuk arriti marrëveshje për vazhdimin e kontratës, e cila do t’i skadojë më 30 qershor.

E ndërkohë, ish-futbollisti i Palermos duket se ka arritur marrëveshje me Interin, me të cilin do të nënshkruajë kontratë katërvjeçare.

Gjithashtu, përfaqësuesit argjentinas i është premtuar një rol i rëndësishëm dhe lider i ekipit “Nerazzurri”.

Numri 10 i Juves dëshiron të hakmerret ndaj klubit të tij aktual.

Interesim për Dybalan kishte shfaqur edhe Manchester United, por duket se ai preferon më shumë të vazhdojë të luajë në Serie A. /Gazeta Express/

Shpërndaje në rrjete sociale

Lajmet më të lexuara

Të ngjashme

Foto lajm