Google ADS

Limaj kërkon uljen e pragut zgjedhor: Është shumë i lartë, të ulet në 2 deri në 3%

23:26 | 3 Maj 2022
L G

Kreu i Nismës Socialdemokrate, Fatmir Limaj, ka kërkuar uljen e pragut zgjedhor.

Sipas tij, pragu prej 5 për qind është shumë i lartë.

“Nuk jemi në parlament fatkeqësisht dhe kjo vështirëson punë sepse nuk jemi aty për t’i ngritur çështjet. Por kjo nuk na ndalon neve dhe nuk është duke na ndaluar që të komunikojmë dhe të bashkëbisedojmë me njerëz për shqetësime, mendime. Kosova ka një numër të vogël të banorëve, me 1 milion e gjysmë. Është pragu shumë i lartë”, tha Limaj në Pressing.

Ai ka kërkuar që pragu të ulet në 2 ose 3 përqind.

“Vendet si Rusia me 20 e më shumë milionë mund të jenë më 5 për qind sepse ka numër të madh të votuesve. Por ne jemi vend i vogël. Mendoj se ka ardhur koha të zbatojmë praktikat më të mira të vendeve demokratike, të ulet në 2 deri 3 për qind që të përfaqësojë sa më gjerësisht grupet politike dhe individët”, tha Limaj.

Shpërndaje në rrjete sociale

Lajmet më të lexuara

Të ngjashme

Foto lajm