Google ADS

Vazhdojnë zjarret pyjore në New Mexico të SHBA-së

16:15 | 1 Maj 2022
Lorik Gerbeshi

Evakuimet do të shtohen në New Mexico të SHBA-së për shkak të zjarreve që janë përhapur në një siprfaqe prej mbi 303 kilometrash katrorë në lindje dhe jugperëndim të këtij shteti amerikan, njoftuan autoritetet, transmeton Anadolu Agency (AA).

Zjarri më i madh në vend, i cili filloi më 6 prill në pesë pika të ndryshme në New Mexico, ende nuk është marrë nën kontroll.

Zjarri, i cili përfshiu edhe qytetin Santa Fe, u përhap në mbi 303 kilometra katrorë.

Autoritetet njoftuan se mijëra njerëz do të evakuohen në luginën Mora, rreth 60 kilometra në verilindje të Santa Fe-së.

Erërat e forta dhe ajri i thatë e kanë bërë të vështirë luftimin e zjarrit. Mësohet se flakët janë përhapur shumë më shpejt se sa pritej.

Dy mijë pjesëtarë të zjarrfikësit dhe personelit ndihmës janë angazhuar për të vënë nën kontroll zjarrin, i cili ka dëmtuar rreth 30 mijë hektarë tokë.

Shpërndaje në rrjete sociale

Lajmet më të lexuara

Të ngjashme

Foto lajm