Google ADS

Dimovski: Nuk mund të jemi skllevër shtatë ditë në javë

14:51 | 1 Maj 2022
S D

Punëdhënës dhe shefa, ne nuk mund të jemi skllevër tuaj shtatë ditë në javë. Do të bllokojmë gjithçka dhe shumë lehtë kjo protestë do të kthehet në grevë, që do të thotë ndërprerje e punës gjatë orarit të punës. Nëse ne pësojmë dëm edhe ju do të keni dëm, tha kryetari i Lidhjes së Sindikatave të Maqedonisë (LSM), Darko Dimovski nga protesta e sotme e 1 Majit, duke adresuar edhe një herë kërkesat për rritje lineare prej 2.806 denarë në të gjitha pagat në vend dhe tërheqjen e ankesës për ditën e diel jo pune nga Gjykata Kushtetuese.

Siç theksoi Dimovski, këto kërkesa duhet të përmbushen sa më shpejt.

“Rritja e pagave duhet të ndodhë sa më shpejt sepse na mbyti kriza ekonomike, inflacioni është më i lartë dhe ne kemi nevojë për ato para gjithnjë e më shumë. Ju paralajmërojmë që ta tërhiqni ankesën për të dielën ditë jopune sepse ky është realitet në vend – punëtori e shfrytëzon atë përfitim – pushim”, tha kryetari i LSM-së në fjalimin e tij.

Shpërndaje në rrjete sociale

Lajmet më të lexuara

Të ngjashme

Foto lajm