Një grup prej rreth 20 civilësh janë larguar nga fabrika e çelikut Azovstal në Mariupol, pjesa e fundit e qytetit jugor që është ende në duart e trupave ukrainase.

Ata janë grupi i parë që largohen që kur presidenti rus Vladimir Putin urdhëroi mbylljen e zonës së gjerë industriale javën e kaluar, shkruan bbc, transmeton portal arbesh.info

Bisedimet janë duke vazhduar edhe për lirimin e rreth 1 mijë civilëve të bllokuar në fabrikë, ndërkohë që Rusia po rrit ofensivën e saj në lindje.

Më shumë se një javë më parë, pasi tha se Mariupol ishte kapur, Presidenti Putin u tha trupave të tij: “Bllokojeni këtë zonë industriale në mënyrë që asnjë mizë të mos kalojë”.

Megjithatë, mediat ruse kanë raportuar se 25 civilë arritën të largoheshin nga uzina Azovstal të shtunën, duke përfshirë gjashtë fëmijë nën moshën 14 vjeç – por nuk thanë se ku ishte çuar grupi.

Kjo u konfirmua nga ushtarët brenda fabrikës së çelikut, të cilët vlerësuan se rreth 20 gra dhe fëmijë janë larguar.

Marrja e Mariupolit do të ndihmonte planet e Moskës për të kapur të gjithë bregun jugor të Ukrainës, i cili do të bashkonte rajonet separatiste pro-ruse si Donetsk dhe Luhansk në Ukrainën lindore me Krimenë, të cilën Rusia e aneksoi në 2014./arbresh.info/