Sipas një sondazhi nga SIPRI (Instituti Ndërkombëtar i Kërkimit të Paqes në Stokholm), shpenzimet ushtarake globale arritën nivelin më të lartë të të gjitha kohërave në vitin 2021, duke shpenzuar rreth 2.113 miliardë dollarë.

Këto shifra për herë të parë kanë kaluar shifrat e vitit 1949, vit në të cilin instituti filloi monitorimin e të dhënave për shpenzimet ushtarake globale, shkruan lindipendente, transmeton portal arbresh.info

Sipas këtij sondazhi do të thotë se as pandemia e koronavirusit, e cila ka pasur pasoja të rënda në ekonomitë anembanë globit, nuk e ka ndalur rritjen e shpenzimeve ushtarake, të cilat po rriten në mënyrë të qëndrueshme për të shtatën vit radhazi.

Pesë vendet me investimet më të larta janë Shtetet e Bashkuara, Kina, India, Britania e Madhe dhe Rusia, të cilat së bashku përbëjnë 62 % të totalit të shpenzimeve.

Krahasuar me vitin 2020, shpenzimet ushtarake në terma nominalë u rritën me 6.1% në vitin 2021.

Financimi amerikan për kërkimin dhe zhvillimin ushtarak u rrit me 24 përqind midis viteve 2012 dhe 2021, ndërsa financimi për prokurimin e armëve ra me 6.4% gjatë së njëjtës periudhë. Vitin e kaluar, Shtetet e Bashkuara investuan 801 miliardë dollarë në sektorin e mbrojtjes.

Pas SHBA-ve është Kina e cila në vitin 2021 investoi afërsisht 293 miliardë dollarë në sektorin ushtarak, duke konfirmuar rritjen për të 27 vit rradhazi.

Pas një rënieje të regjistruar mes viteve 2016 dhe 2019 për shkak të çmimeve të ulëta të energjisë dhe sanksioneve në përgjigje të aneksimit të Krimesë, Rusia gjithashtu ka ndarë më shumë fonde për sektorin e mbrojtjes, duke arritur në 65.9 miliardë dollarë në vitin 2021.

Sipas autorëve të raportit, lufta në Ukrainë do të intensifikojë rritjen e shpenzimeve ushtarake, duke nxitur trendin e rritjes së qëndrueshmërisë në shtatë vitet e fundit.

Në anën tjetër, lufta në Ukrainë ka rritur sinjalet për rritjen e sigurisë nga shumë vende të NATO-s./arbresh.info/