Presidenti i Shqipërisë, Ilir Meta ka mirëpritur sot Festivalin Kombëtar të Kulinarisë, Bujtinave dhe Prodhuesve Vendorë ku merrnin pjesë dhjetëra sipërmarrës shqiptarë, prodhues të vegjël dhe të mëdhenj, si dhe përfaqësues të turizmit nga Kosova, Mali i Zi dhe Maqedonia e Veriut.
Në aktivitetin e organizuar në ambientet e presidencës, Presidenti Meta bëri thirrje për mbështetjen gjithmonë e më shumë të turizmit për të “rikthyer shpresën dhe ndalur shpopullimin e dhembshëm të trevave me pasuri të jashtëzakonshme natyrore.”
Meta u shpreh se “kjo ditë e bukur më jep gjithë kënaqësinë, për të ndarë me ju, optimizmin dhe synimin për një sezoni turistik sa më të suksesshëm, optimist dhe shpresëdhënës, pas këtyre sfidave me të cilat jemi ndeshur”.
“Nuk mund të kishte ditë më të bukur për të uruar një sezon turistik cilësor gjithëvjetor dhe të suksesshëm, konkurrues dhe me standarde europiane, për të mirën e Shqipërisë dhe zhvillimit të qëndrueshëm të ekonomisë familjare dhe kombëtare”, ka shtuar Meta.
Po ashtu Meta shtoi se ky Festival dëshmon se “restorantet, bujtinat, prodhuesit vendorë të turizmit në Shqipëri, janë bashkuar dhe mbështetur të gjithë, rreth një filozofie, një misioni: Për një turizëm cilësor, gjithëvjetor, konkurrues dhe me standarde europiane, për të mirën e Shqipërisë dhe ekonomisë së shqiptarëve”. /arbresh.info/
Pse këto dy shenja të horoskopit janë gjithmonë në qendër të...
Përfshihet nga zjarri një banesë në Fier
Barça deklason Bayern, Atletico bie nga Lille, Inter fiton m...
Mbretëri e Bashkuar, vdekjet nga kokaina u rritën 30%
Mbrojtja Civile e Gazës thotë se tre punëtorë të saj u plago...
“Prishet miqësia”, përplasje e fortë mes Vullnetit dhe Gresë...