Bëhet viral momenti kur Valverde e ‘poshtëroi’ Zinchenkon me një driblim të hatashëm

12:21 | 27 Prill 2022
Lorik Gerbeshi

Federico Valverde i Real Madridit prodhoi një driblim fantastik gjatë mbrëmjes së martë në Ligën e Kampionëve kundër Manchester Cityt.

Real Madridi shënoi tre gola në Etihad Stadium, por kualifikimi do të vendoset në ndeshjen e dytë gjysmëfinale të javës së ardhshme në Santiago Bernabeu.

Golat e Kevin De Bruyne, Gabriel Jesus, Phil Foden dhe Bernardo Silva panë që skuadra e Pep Guardiolas të siguronte një fitore 4-3 në Mançester, pasi Reali shënoi dy herë me Karim Benzema dhe një herë më Vinicius Junior.

Në të vërtetë, City mundi dhe ndoshta duhej të kishte fituar me një diferencë më të madhe, pasi dominoi gjithë ndeshjen dhe prodhoi shumë raste.

Megjithatë, edhe Real Madridi pati rastet e veta dhe jo rrallëherë disa nga lojtarët e Los Blancos u përkujdesën të dhurojnë spektakël.

Përveç Vinicius Jr te goli i dytë, ‘magji’ dhuroi edhe mesfushori uruguaian, Valverde, gjatë një aksioni.

Valverde tregoi aftësitë e tij me top duke turpëruar mesfushorin ukrainas të Cityt, Oleksandr Zinchenko.

Uruguaiani ishte në vijën anësore dhe posa Zinchenko tentoi ta markonte, Valverde u përkujdes t’i fusë topin me thembër me një lëvizje fantastike.

Kjo lëvizje shërbeu edhe si pasim për Dani Carvajal dhe tashmë ky moment është bërë viral në rrjetet sociale.

Shpërndaje në rrjete sociale

Lajmet më të lexuara

Të ngjashme

Foto lajm