Në qytete të ndryshme të Marokut janë mbajtur protesta kundër shkeljeve të Izraelit ndaj palestinezëve në Xhaminë Al-Aksa e cila ndodhet në Kudsin Lindor nën pushtim, transmeton Anadolu Agency (AA).
Protestat kundër Izraelit u mbajtën në qytetet El-Jadida, Cazablanca, Fes, Meknes, Marrakesh, Mohammedia, Tetouan, El-Madik, Taza ve Haribka pas thirrjes së bërë nga Delegacioni i Mbështetjes për Problemet e Ummetit Maroken.
Qindra marokenë u mblodhën nën sloganin “Të zemëruar për Aksanë” para xhamive nëpër qytete dhe dënuan Izraelin.
Në pamjet që qarkulluan në median sociale, protestuesit marokenë kanë protestuar edhe kundër normalizimit të marrëdhënieve diplomatike të Marokut me Izraelin dhe kanë hedhur slogane duke kërkuar që t’i jepet fund menjëherë këtij normalizimi.
– Bastisjet e hebrenjve fanatikë në Xhaminë Al-Aksa
Forcat izraelite bastisën Xhaminë Al-Aksa pas namazit të sabahut të premten e 15 prillit duke ndërhyrë kundër palestinezëve me bomba zëri, gaz lotsjellës dhe plumba gome. Në ngjarje janë plagosur 152 palestinezë ndërsa qindra të tjerë janë arrestuar.
Policia izraelite edhe dje pasi mijëra persona falën namazin e sabahut zhvilloi bastisje në Xhaminë Al-Aksa duke sulmuar palestinezët me bomba zëri dhe plumba plastikë.
Gjysmëhëna e Kuqe Palestineze njoftoi se në ngjarje u plagosën të paktën 31 palestinezë, ku 14 prej tyre u shtruan për trajtim në spital.
Po ashtu u bë e ditur se ekipet e Administratës së Fondacioneve Islame të Kudsit fikën zjarrin i cili shpërtheu, pasi njëra prej pemëve në kompleksin e Xhamisë Al-Aksa u përshi nga flakët.
Miratohet logoja e Kuvendit të Kosovës
Numri i refugjatëve në Gjermani arrin 3.5 milionë
Vdes një i burgosur në Spitalin e Gjilanit, SHKK jep detaje
Gërvalla udhëton në Kanada, merr pjesë në takimin e ministre...
Përmbytjet në Itali, evakuohen 1500 persona
Balluku në takimin e ministrave të Transportit në Budapest: ...