Janez Jansa, kryeministër aktual i Sllovenisë dhe kandidat për po të njëjtën pozitë shpërndau një shkrim të një gazetari slloven, i cili po raporton për skandalin financiar atje ku i përfshirë është edhe Ambasadori i Kosovës në Kroaci, Martin Berishaj.
Jansa po garon kundrejt Rober Golob, i cili sipas mediave sllovene, ka pranuar 600 mijë euro të dyshimta nga ambasadori i Kosovës.
Paraparakisht, mjetet financiare, kompania MB Consulting, në pronësi të Berishajt, i kishte pranuar nga një kompani energjetike serbe, GEN.
Bojan Pozhar, gazetar dhe moderator i një “talk show” në Slloveni, ka deklaruar se nëse vërtetohet përfshirja e Ambasadorit të Kosovës në Kroaci, Martin Berishajt, në skandalin financiar në Slloveni, atëherë bëhet fjalë për një “top skandal në Ballkan”.
“Nëse paratë e GEN-it [kompanisë serbe, v.j] për Robert Golob i ka transferuar vërtetë Martin Berishaj, përndryshe diplomat nga Kosova, atëherë ky është një top skandal në Ballkan. Sepse MB është edhe ambasador i Kosovës në Kroaci”, shkroi Pozhar në Twitter.
Ky postim u shpërnda nga kryeministri slloven në Twitter.
Kryetari i Partisë së Lirisë, Golob gjatë një debati me Jansha, deklaroi se ky i fundit dhe ambasadori Berishaj njihen me njëri tjetrin.
Jansha e ka konfirmuar se e njeh Berishajn si kryetarin e Shoqatës Kulturore Shqiptare në Slloveni, por mohoi të ketë lidhje shoqërore me të.
Berishaj ka mohuar akuzat lidhur me dyshimet për implikim në skandal financiar./lajmi.net/
Vullneti e komenton me Arionin situatën mes Sarës, Drilonit ...
Haradinaj në Junik: Plani ynë për Kosovën Fituese – an...
Salah dëshiron të vazhdojë me Liverpoolin, por s’ka as...
Osmani takon mërgimtarët në Kanada: Kudo, një copëz Kosove &...
GJKKO dënon me 2 vjet e 8 muaj burg ish-kryebashkiakun e Dur...
Murati – Bajramit: Hykmete, s’paske mësu as sot, ulu njësh