Zelensky: Rusia po bën gati një referendum të rremë në Kherson

07:48 | 22 Prill 2022
Artan Maliqi

Presidenti ukrainas Volodymyr Zelensky ka akuzuar Rusinë se po përpiqet të mbajë një referendum të rremë për pavarësinë në rajonet Kherson dhe Zaporizhia që është duke pushtuar në jug të vendit.

Në një video-mesazh, Zelensky u kërkoi banorëve të zonave të pushtuara të mos japin asnjë të dhënë personale, siç janë numrat e pasaportave, që mund të kërkojnë forcat ruse.

“Nuk është vetëm një çështje regjistrimi. Nuk është për t’ju dhënë asnjë lloj ndihme humanitare. Është në të vërtetë një çështje e falsifikimit të një të ashtuquajturi referendum për tokën tuaj, nëse urdhri për organizimin e kësaj komedie vjen nga Moska”, paralajmëroi presidenti ukrainas. /abcnews.al/

Shpërndaje në rrjete sociale

Lajmet më të lexuara

Të ngjashme

Foto lajm