Numri i rasteve aktive me Covid-19 në vend vazhdon të ulet dhe aktualisht është 802. Gjithashtu është ulur numri i rasteve të reja dhe numri i vdekjeve.
Situata epidemiologjike vazhdon të përmirësohet, por ministri i Shëndetësisë Bekim Sali ende paralajmëron se qytetarët duhet të jenë vigjilentë dhe institucionet të jenë të gatshme.
Edhe interesimi për vaksinimin është në rënie. Shkalla totale e vaksinimit është 46 për qind, megjithëse Sali thotë se ka mjaft vaksina për këdo që dëshiron të imunizohet.
Situata me Covid-19 po përmirësohet në botë. Sipas të dhënave të faqes WorldMeters, në shtatë ditët e fundit në nivel global, numri i rasteve të reja është ulur për 30 për qind, dhe vetëm në Evropë për 31 për qind. Një rritje e ndjeshme prej 127 për qind është shënuar në Kinë, ku në javën e kaluar janë regjistruar 21.5 mijë raste.
Të dhënat për Maqedoninë e Veriut tregojnë se numri i të infektuarve ka rënë për 23 për qind, ndërsa numri i vdekjeve për 72 për qind. Numri i përgjithshëm i të diagnostikuarve me Covid në vend që nga fillimi i epidemisë është 308.878, numri i të shëruarve është 298.811 dhe numri i të vdekurve është 9.265.
Analistët në Serbi: Administrata e Trumpit, më aktive në dia...
Faulli i pamatur i Matthijs De Ligt ndaj Schade e la yllin e...
Arrestohen dy persona për vjedhje të rëndë të një veture në ...
Ministri Vengu: Po e rijetësojmë industrinë ushtarake – në k...
“Mati 1” e “Bregu i Diellit” pa ujë shkaku i problemeve tekn...
Gjysma e amerikanëve drejt kutive të votimit/ Sondazhet komb...