Presidenti i Shqipërisë, Ilir Meta nisi sot një vizitë zyrtare disaditore në komunat e banuara nga arbëreshët në Kalabri të Italisë.
Ndalesa e parë e Presidentit Meta ishte në Civita, ku u mikprit ngrohtësisht nga dhjetëra qytetarë të këtij vendbanimi arbëresh, nga kryebashkiaku Alessandro Toci, si dhe autoritetet më të larta vendore.
“U shpreha mirënjohjen më të thellë për kontributin e vyer të Arbëreshëve për mbajtjen gjallë të gjuhës, historisë, traditave, kulturës dhe trashëgimisë së Motit të Madh të Gjergj Kastriot Skënderbeut, që meritojnë sa më parë të bëhen pjesë e UNESCO”, ka thënë Meta në një njoftim në Facebook.
“Theksova rëndësinë e nënshkrimit sa më parë të një Protokolli të Përbashkët mes Shqipërisë dhe Rajonit Kalabri, sipas atij ekzistues me Rajonin e Pulias, dhe atë të propozuar me Rajonin e Siçilisë, si një mundësi e shkëlqyer për forcimin e lidhjeve mes nesh”, ka shtuar Meta.
“Në themel të miqësisë shekullore mes Shqipërisë dhe Italisë qëndrojnë arbëreshet, trashëgimia e pasur e të cilëve, ju përket jo vetëm popujve tanë, por është një vlerë e çmuar edhe e kulturës europiane dhe botërore”, ka theksuar Presidenti.
Pse këto dy shenja të horoskopit janë gjithmonë në qendër të...
Përfshihet nga zjarri një banesë në Fier
Barça deklason Bayern, Atletico bie nga Lille, Inter fiton m...
Mbretëri e Bashkuar, vdekjet nga kokaina u rritën 30%
Mbrojtja Civile e Gazës thotë se tre punëtorë të saj u plago...
“Prishet miqësia”, përplasje e fortë mes Vullnetit dhe Gresë...