Ministria e Shëndetësisë në Japoni ka miratuar vaksinën e quajtur Novavax kundër koronavirusit.

Kjo është vaksina e katërt e miratuar për të luftuar infeksionet, pasi Japonia është duke parë një numër në rritje të infeksioneve si pasojë e variantit Omicron, transmeton portal arbresh.info

Miratimi i ministrisë vjen një ditë pasi paneli i saj i ekspertëve miratoi përdorimin e vaksinës proteinike të Novavax, e cila është projektuar me teknologji të ngjashme të përdorur për të luftuar sëmundje të tilla si gripi dhe hepatiti B, për dy vaksinat e para dhe një përforcues, shkruan AP, transmeton portal arbresh.info

Ministri i Shëndetësisë, Shigeyuki Goto, tha para gazetarëve se Novavax shton shumëllojshmëri në zgjedhjet e disponueshme dhe mund të tërheq ata që hezitojnë të vaksinohet kundër koronavirusit.

Japonia raportoi 24,164 raste të reja të hënën, sipas ministrisë së shëndetësisë.

Gjatë muajit mars, Japonia hoqi të gjitha kufizimet e vendosura për shkak të koronavirusit, pasi infeksionet ngadalësuan, por kohët e fundit ekspertët kanë vënë re një numër në rritje të infeksioneve, për të cilën besohet se po ndodh për shkak të sezonës së udhëtimeve dhe festave.

Goto tha se Japonia ka rënë dakord të blejë 150 milionë doza të vaksinave Novavax të zhvilluara nga kompania Maryland, të cilat do të ndihmojnë në stabilizimin e furnizimit me vaksina në një vend që mbështetet plotësisht në importet e huaja, ndërsa zhvillimi i vaksinave të veta ka mbetur prapa./arbresh.info/