Armëpushimi në Ukrainë nuk ka gjasa për momentin, por mund të ndodhë brenda disa javësh, ka thënë shefi i ndihmës i Kombeve të Bashkuara.

Martin Griffiths u tha gazetarëve në Nju Jork: “Natyrisht, ne nuk kemi ende një armëpushim humanitar në fuqi nga pala ruse”, transmeton portal arbresh.info

“Unë hyra në shumë detaje për këtë dhe ata vazhduan të më premtonin se do të më kthenin për detajet e atyre propozimeve. Tani për tani, nëse mund të flisja në emër të autoriteteve ruse, ata nuk po i vendosin armëpushimet lokale në krye të agjendës së tyre”, tha ai.

“Armëpushimet nuk janë në horizont tani. Ato mund të jenë pas disa javësh. Mund të jenë pak më të gjata se kaq”, shtoi ai.

Ka pasur korridore sporadike humanitare që kanë mundësuar disa civilë të shpëtojnë nga qytetet e sulmuara, por Ukraina ka thënë se përpjekjet e tjera duhej të braktiseshin për shkak të bombardimeve të vazhdueshme të Rusisë.

Me një ofensivë të re të pritshme, të madhe që pritet çdo ditë në Ukrainën lindore, Griffiths është përpjekur të organizojë armëpushime lokale për t’i dërguar njerëzit në vende të sigurta.

Ai tha se do të shkojë në Turqi këtë javë për të diskutuar me presidentin Erdogan perspektivën e pritjes së një raundi tjetër bisedimesh atje midis Ukrainës dhe Rusisë./arbresh.info/