Rusia shton ofansivën në lindje, rrezikohen civilët ukrainas

23:13 | 17 Prill 2022
Trina Galanxhi

Sirenat e sulmeve në Ukrainën lindore tashmë janë bërë konstante.

Niveli i sigurisë në qytetin e Kharkivit është shumë i ulët.

Zjarret thuhet se janë ndezur në të gjithë qytetin, me pesë persona të vrarë.

Por nuk është vetëm Kharkivi, zona ku Rusia thuhet se po merr jetë civilësh. Zolote është një fshat pikërisht në vijën e frontit të Donbas, shkruan BBC.

Raportimet për dy të vdekur dhe katër të plagosur në atë zonë, dëshmojnë se ka ende shumë civilë që nuk kanë qenë në gjendje ose nuk kanë dashur të ikin.

Forcat e armatosura ukrainase thonë se kanë zmbrapsur një numër sulmesh sot, duke marrë dhjetëra tanke, automjete të blinduara dhe drone./21/

Shpërndaje në rrjete sociale

Lajmet më të lexuara

Të ngjashme

Foto lajm