Festa e Pashkëve, presidentja Osmani mysafire e familjes nga Klina

21:13 | 17 Prill 2022
A. B.

Presidentja e Kosovës, Vjosa Osmani bashkë me dy vajzat, bashkëshortin dhe zyrtarë nga stafi i saj, kanë vizituar një familje në Klinë për ditën e Pashkëve.

Presidentja Osmani ka thënë se kjo ditë simbolizon sakfiricën sublime në emër të dashurisë për njerëzit.

“Sot, për të uruar Pashkët, ishim mysafirë te familja Balaj, në Klinë. Në ditën që simbolizon sakrificën sublime në emër të dashurisë për njerëzit, por edhe ringjalljen e shpresës, u ritakuam e kaluam shumë momente të bukura me këtë familje bujare”, ka shkruar ajo.

“Dashuria e familjeve tona, ndjenja me të cilën ato e shtrojnë tryezën për miqtë dhe gatishmëria për t’ua falur atyre gjithë atë mikpritje, janë shenjë se simbolika e Pashkëve është e fuqishme mes nesh dhe se solidariteti e harmonia jetojnë fort ndër njerëzit tanë. Ato janë vlera jonë e përhershme”, ka shkruar Osmani./arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm