Dielli dhe temperaturat e pranverës krijuan mjedisin perfekt për ditëlindjen e 65-të të Fatou, gorillës më të vjetër në botë që jeton në kopshtin zoologjik të Berlinit. Gorilla e ultësirës perëndimore njihet ndryshe në këtë kopësht si “legjendë” për shkak të moshës së saj.
“Gorillat që jetojnë në natyrë kanë një jetëgjatësi prej rreth 40 vjetësh, ndërsa kjo gorrillë në moshën 65-vjeçare është më e vjetra që është gjallë në botë prej kohës“, tha Christian Aust, përgjegjës për majmunët në kopshtin zoologjik të Berlinit.
“65-vjetori është absolutisht i jashtëzakonshëm dhe kjo padyshim duhet të festohet“, tha Aust ndërsa Fatou shijonte tortën e saj të ditëlindjes të bërë me oriz të zier, gjizë, perime, mjedra dhe boronica.
Sipas kopshtit zoologjik të Berlinit, gorillat e ultësirës perëndimore janë një specie e rrezikuar pasi habitati i tyre natyror është asgjësuar vazhdimisht.
“Gjithnjë e më pak kafshë jetojnë në pyjet tropikale të Kamerunit, Afrikës Qendrore, Gabonit dhe Republikës së Kongos”, sipas kopshtit zoologjik të Berlinit, i cili shtoi se gorillat janë speciet më të mëdha të majmunëve me një peshë deri në 200 kg që hanë midis 15 deri në 20 kg gjethe, bar, lëvore dhe fruta.
Meta njofton ndryshimet në mënyrën se si WhatsApp dhe Messen...
Irani “dërgon” qindra raketa balistike në Rusi
Ukraina e shqetësuar për praninë e raketave balistike irania...
Vogëlushi i afrohet Kurtit për ‘selfie’, ia vë gishtin në gj...
Fundjavë me fluks në Morinë, qytetarët e Kosovës për pushime...
Shqipëria me përmbysje spektakolare ndaj Ukrainës merr tri p...