Google ADS

Berisha i kërkon Alibeajt dorëheqjen nga drejtimi i Grupit Parlamentar të PD-së

14:43 | 12 Prill 2022
A. B.

Ish-kryeministri i Shqipërisë, Sali Berisha i ka kërkuar sot dorëheqjen e Enkelejd Alibejat nga posti i Grupit Parlamentar të Partisë Demokratike.

Gjatë mbledhjes së Grupit Parlamentar të PD-së, Berisha ka kundërshtuar vendimin e Alibeajt për të ankimuar në gjykatë kuvendin e grupit të rithemelimit të PD-së të 17 Korrikut të vitit 2021, raporton Euronews Albania.

Sipas Berishës, ndryshimet e miratuara në atë kuvend janë pranuar nga çdo demokrat, teksa shtoi se Ambasadorja amerikane, Yuri Kim mund të ketë bërë presion në gjykatë.

Berisha nuk ka lënë pa përmendur edhe ish-kryetarin e PD-së, Lulzim Basha, për të cilin tha se ai mbart të vërteta të hidhura si dosja ruse.

Nga ana tjetër, Alibeaj ka thënë gjatë mbledhjes se nuk është vasal i askujt, duke rikonfirmuar qëndrimin e tij kundër Berishës.

Alibeaj i ka kujtuar liderit historik të demokratëve, faktin se është shpallur non grata dhe se prej 9 shtatorit nuk është pjesë e PD-së.

Shpërndaje në rrjete sociale

Lajmet më të lexuara

Të ngjashme

Foto lajm