Google ADS

Ish-kryetari i Kamenicës, Kastrati kërkon dorëheqjen e ministres Nagavci

11:59 | 12 Prill 2022
Fjolla Bajraktari

Ish-kryetari i Kamenicës, Qendron Kastrati, tentoi ta takonte ministren e Arsimit, Arbërie Nagavcin, për t’ia kërkuar dorëheqjen nga ky post, të martën, por nuk ia doli.

Ky veprim i Kastrati vjen pas vendimit të Kushtetueses që ia rrezoi Nagavcit organizimin e mësimit në shkollat e Kamenicës. Ai tha se do të insistojë të takohet me Nagavcin.

“Ne po insistojmë edhe pak sepse po e shohim që është stafi aty dhe po insistojmë më taku znj. Nagavci”, tha Kastrati në mesditën e së martës.

Në “letrën e dorëheqjes”, Kastrati i PSD-së i ka shkruar arsyet pse Nagavci duhet të dorëhiqet nga Ministria.

Të premten, Gjykata Kushtetuese rrëzoi vendimin e MASHT-it për organizimin e shkollave, duke thënë se nuk ka qenë kompetencë e kësaj ministrie dhe se me këtë vendim është cenuar përgjegjësia komunale. Kastrati kishte nisur reformë në arsim duke mbyllur disa shkolla për shkak të numrit të vogël të nxënësve e nxënësit duke i bartur në objekte të tjera./arbresh.info/

 

Shpërndaje në rrjete sociale

Lajmet më të lexuara

Të ngjashme

Foto lajm