Ndeshja ndërmjet Augsburgut dhe Mainzit u ndërpre përkohësisht ditë më parë për t’ia mundësuar Moussa Niakhates që të bënte iftar në një moment fantastik në Bundesligë.
Myslimanët në mbarë botën aktualisht janë duke e agjëruar muajin e shenjtë të Ramazanit, përfshirë këtu edhe yllin e Real Madridit, Karim Benzema, i cili agjëroi edhe në ditën kur i realizoi tre gola kundër Chelseat në Ligën e Kampionëve.
Dhe, edhe mbrojtësi i Mainzit, Niakhate është bërë pjesë e Ramazanit si pjesë e besimit të tij islam.
Play was stopped during Augsburg vs. Mainz 05 so Moussa Niakhaté could have a moment to break his Ramadan fast just after sunset ? pic.twitter.com/TwfbcpBfn7
— ESPN FC (@ESPNFC) April 11, 2022
Dhe, 26 vjeçari bëri iftar gjatë lojës së zhvilluar javën e kaluar.
Në minutën e 64-të, referi i ndeshjes, Matthias Jollenbeck e ndali lojën përkohësisht dhe në këtë mënyrë Niakhate do ta kishte mundësinë të bënte iftar “sa për ta prishur”.
Pushimi i shkurtër e pa atë duke i pirë dy shishe, me gjasë njëra me ujë dhe një tjetër me pije sportive.
Pasi bëri iftar, futbollisti francez e falënderoi referin Jollenbeck për këtë veprim për duartrokitje.
Sipas mediumit “Sport”, kjo ishte hera e parë ndonjëherë që një ndeshje e elitës së futbollit gjerman ndërpritet për t’ia mundësuar një lojtari të bëjë iftar.
Tifozët në rrjetet sociale e kanë përshëndetur këtë veprim dhe këtë moment.
Lutz Michael Frohlich, drejtor gjerman i komunikimit për Komitetin e Referëve të Gjermanisë, e ka aprovuar ndaljen e lojës nga ana e gjyqtarëve për t’ua mundësuar lojtarëve të bëjnë iftar gjatë lojës.
“Nuk ka një instruksion gjeneral për rastin në fjalë, por natyrisht ne i mbështesim referët tanë që t’i lejojnë lojtarët të pinë gjatë Ramazanit kur të jetë koha e iftarit”, ka thënë ai. /Gazeta Express/
Barella: Sot kundër një skuadre shumë të fortë dëshmuam se m...
Kurti: Të përkushtuar për të vërtetën dhe për drejtësi për t...
Shpërthimet në Liban, reagon kryeministri izraelit Netanyahu
Raportohet për një lëvizje të mundshme të Zhegrovës në të ar...
Biden pret të hënën homologun e Emirateve të Bashkuara Arabe...
Finlanda e mbron vendimin për të blerë armë izraelite