Zhgënjen sërish Milani, tani ndalet edhe nga Torino

22:43 | 10 Prill 2022
Lorik Gerbeshi

Milani ka lëshuar pikë edhe në kuadër të javës së 32-të në Serie A, pasi barazoi pa gola me Torinon.

Vendasit e filluan më mirë ndeshjen dhe në minutën e 13-të rrezikuan portën e Rossonerëve përmes Andrea Belottit, por goditja e tij me kokë përfundoi jashtë.

Një rast ideal për Milanin ishte në minutën e 29-të, kur Alexis Saelemaekers u rrëzua në zonë, por gjyqtari nuk sinjalizoi për penallti.

Në 45 minutat e dytë, sërish ishte Torino që e kishte iniciativën, ndërsa Mërgim Vojvoda (50′) lëshoi një goditje të fuqishme, por Mike Maignan bëri një pritje fantastike.

Në minutat në vazhdim, Sandro Tonali dhe Theo Hernandez kishin mundësitë e tyre, por nuk ia dolën t’i konkretizonin.

Deri në fund, dy skuadrat nuk ia dolën të tundin rrjetën e njëra-tjetrës, duke u ndarë kështu me nga një pikë.

Pas javës së 32-të,Milani vazhdon të jetë lider me 68 pikë, dy më shumë se Interi dhe Milani.

Shpërndaje në rrjete sociale

Lajmet më të lexuara

Të ngjashme

Foto lajm