Google ADS

Zelensky: Rusia ka në shënjestër të gjithë Europën

06:59 | 10 Prill 2022
Trina Galanxhi

Presidenti ukrainas, Volodymyr Zelensky, gjatë fjalimit të tij të mbrëmshëm tha se agresioni rus nuk është i kufizuar vetëm në Ukrainë.

Sipas tij, Rusia ka në shënjestër të gjithë Europën, transmeton portal arbresh.info

Zelensky i kërkoi Perëndimit të vendosë një embargo të plotë ndaj produkteve ruse të energjisë dhe të furnizojë Ukrainën me armë shtesë.

Ai tha se përdorimi i forcës nga Rusia ishte “një katastrofë që në mënyrë të pashmangshme do t’i godasë të gjithë”.

Zelensky tha se Ukraina është gati për një betejë të ashpër, pasi forcat ruse po grumbullohen në lindje të vendit.

“Kjo do të jetë një betejë e vështirë, ne besojmë në këtë luftë dhe fitoren tonë. Ne jemi të gatshëm të luftojmë njëkohësisht dhe të kërkojmë mënyra diplomatike për t’i dhënë fund kësaj lufte”, shtoi ai.

Negociatori ukrainas Mykhailo Podolyak tha se Presidenti Zelensky dhe Presidenti rus Vladimir Putin nuk do të takohen derisa Rusia të mposhtet në lindje./bbc/arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm