Olivia Dabrowska ishte rreth 3 vjeç kur u bë pjesë e pashlyeshme e historisë së filmit në filmin klasik të Steven Spielberg, “Schindler’s List”, i cili fitoi një Oscar.

Vajza me pallto të kuqe – e cila ecën e paprekur nëpër geto në Krakov ndërsa banorët e saj janë në shënjestër të trupave gjermane – ishte jo vetëm ngjyra e vetme në filmin bardh e zi, por edhe simbolizoi shpresën dhe mungesën e saj, dhunën dhe dhembshurinë, fajin dhe pafajësinë, transmeton portal arbresh.info

Lista e Schindler është historia e një anëtari të partisë naziste që ndihmoi mijëra hebrenj t’i shpëtonin vdekjes, dhe ashtu si protagonistja e filmit, Dabrowska, tani 32 vjeç dhe jeton në Poloni, është duke u ardhur në ndihmë refugjatëve ukrainës që po përpiqen t’i shpëtojnë luftës.

Më 9 mars, ish-aktorja ndau një përshkrim artistik të skenës së saj të kultit në një film me një ngjyrë të ndryshuar të palltos nga e kuqja në blu për të paraqitur flamurin blu-verdhë të Ukrainës, të cilin ajo e ndau gjithashtu si pjesë e njoftimit.

https://www.instagram.com/p/Ca5RQ0lIa0-/?utm_source=ig_embed&ig_rid=aab42945-f1e2-4848-8f06-de3a857ce14f

“Ajo ka qenë gjithmonë simbol i shpresës. Le të jetë përsëri”, ka shkruar Dabrovska.

Në ditët në vijim, Dabrowska shkoi në kufirin polako-ukrainas për të ndihmuar refugjatët dhe në rrjetet sociale ajo kërkoi ndihmë në emër të tyre./arbresh.info/

https://www.instagram.com/p/CbC3Rv7o0Nq/?utm_source=ig_embed&ig_rid=08630054-5e21-49b7-8ebe-bc81364f7579