Tifozi i ri i Celtic, Calan Clark u bë hit absolut në rrjetet sociale pasi mashtroi nikoqirët e derbit “Old Firm”, ata të Rangers, duke qenë pjesë e ndeshjes në derbin e madh në një mënyrë të paparë deri tani.

Clark nuk kishte biletë për derbin e madh, por ai kishte një plan të madh dhe ai plan i ndezi, duke u bërë që mediat e ishullit të shkruajnë për të prej ditësh.

Tifozi i ri nuk kishte biletë, por aplikoi për punë në një kioskë ushqimore që ndodhet brenda stadiumit dhe është në pronësi të Rangers.

Rangers 1-2 Celtic – Dj Krissy- welcome to the party pic.twitter.com/TTQWcOOxLd

— AidenCFC01 (@aidanCFC01) April 4, 2022

Të dielën, ditën e ndeshjes, ai ka shkuar në turnin e parë në punë dhe më pas është fshehur në tualetet e “Ibrox Stadium” ku ka pritur deri sa tifozët kanë hyrë në stadium.

Pasi tifozët e Celtic mbërritën në Ibrox, ai u bashkua me ta dhe “u zhduk” në turmën e tyre.

Met a kid yesterday in ground who’d applied for a job as kiosk worker decked out head to toe in work gear and he’d to start at 9am, min he got into ground to work he hid in toilets till celtic fans got in then was bouncing about with us all day, I salute you kid what a move ?

— joe (@joem4d1n3) April 4, 2022

“Dje takova një djalosh në stadium i cili aplikoi për punë në një kioskë dhe ishte i veshur nga koka te këmbët me veshje pune. Ai duhej të fillonte punën në orën 9 të mëngjesit. Ai hyri në stadium për punë, por u fsheh në tualete derisa erdhën tifozët e Celtic dhe më pas u bashkua dhe brohoriti me ne gjatë gjithë ditës”.

“Përshëndetje për ty, djalosh. Çfarë lëvizjeje”, ka shkruar një tifoz i Celtic, të cilit iu përgjigj autori i kësaj vepre të mrekullueshme.

Hahaha wit a day I had yesterday. League over?? @joem4d1n3 ?? pic.twitter.com/I7iDKJDrX4

— calanclarkk1 (@calanclarkk1) April 4, 2022

“Ja ku jam miku im. Këmbët po më vrasin gjithë ditën se isha në ato këpucë”, ka shkruar Clark.

Tifozi i ri postoi gjithashtu foto nga tribuna si dhe një foto të formularit që ai plotësoi për të hyrë në stadiumin Ibrox. /Telegrafi/