Haradinaj takohet me Edi Ramën, e falënderon për ndihmën gjatë krizës energjetike në Kosovë

15:52 | 5 Prill 2022
A Z

Kryetari i AAK-së, Ramush Haradinaj, ka njoftuar se është takuar me kryeministrin e Shqipërisë, Edi Rama.

Haradinaj shkruan se e falënderoi Ramën për ndihmën e shtetit shqiptar gjatë krizës energjetike në Kosovë.

Ai shtoi se me Ramën ndër të tjera, bashkëbisedoi për projektin e hekurudhës Prishtinë – Durrës si dhe dhënien e dyshtetësisë për kosovarët.

Më poshtë postimi i plotë:

Bashkëpunimi mes Kosovës dhe Shqipërisë në ekonomi, infrastrukturë, siguri e politikë të jashtme, ishin temat kryesore të takimit të sotëm me Kryeministrin Edi Rama.

Bashkëbiseduam gjithashtu për projektin e Hekurudhës Prishtinë – Durrës si projekt i domosdoshëm për të dyja vendet, si dhe dhënien e dyshtetësisë për qytetarët tanë.

Falënderova Kryeministrin Rama për ndihmën e shtetit shqiptar gjatë krizës energjetike në Kosovë dhe shpreha nevojën e gjetjes së mënyrave të bashkëpunimit të ngushtë mes dy vendeve në këtë kohë aspak normale./arbresh.info/

 

Shpërndaje në rrjete sociale

Lajmet më të lexuara

Të ngjashme

Foto lajm