Google ADS

Në kundërshtim me VAR-in, Allegri u nervozua dhe hodhi pallton në tokë – momenti “pushtoi” rrjetet sociale

23:49 | 3 Prill 2022
Lorik Gerbeshi

Trajneri i Juventusit, Massimiliano Allegri u bë viral në internet me reagimin e tij ndaj penalltisë së Interit.

Toskani u kap nga kamera duke hedhur pallton e tij në vijën e lojës pasi Nerazzurët morën një 11-metërsh, e cila u prit dhe më pas u desh të riekzekutohej për shkak të shkeljes.

Matthijs de Ligt ishte futur në zonë, me Hakan Calhanouglu që ende nuk e kishte goditur topin.

Kështu, VAR-i sinjalizoi se penalltia duhej të rigoditej, dhe mesfushori turk për të dytën herë shënoi saktë, duke qenë kështu goli i vetëm i takmit.

Por, vëmendje më të madhe mori veprimi i acaruar nga Allegri, që nuk u pajtuar me vendimin e video asistentit të gjyqtarit.

Pas javës së 31-të, Interi vazhdon në vendin e tretë me 63 pikë, tre më pak se Milani që është lider, ndërsa Juventusi është në të katërtin me 59 sosh.

Shpërndaje në rrjete sociale

Lajmet më të lexuara

Të ngjashme

Foto lajm