Të shtëna me armë në një qytet në Kaliforni, raportohet për të vdekur

16:01 | 3 Prill 2022
A. B.

Gjashtë persona kanë vdekur, ndërsa 10 të tjerë kanë mbetur të plagosur si pasojë e të shtënave masive që ndodhën të dielën herët në qendër të qytetit Sacramento.

Siç raporton AP, policia në Kaliforni është në kërkim të të paktën një të dyshuari.

Shefi i policisë në Sacramento, Kathy Lester tha në një konferencë shtypi se policia po patrullonte zonën rreth orës 2 të mëngjesit kur dëgjuan të shtëna me armë zjarri.

Kur mbërritën në vendngjarje, gjetën një turmë të madhe të mbledhur në rrugë dhe gjashtë persona të vdekur. 10 të tjerë ose morën veten ose u transportuan në spitale. Nuk është dhënë asnjë informacion për gjendjen e tyre.

Autoritetet nuk e dinë nëse një ose më shumë të dyshuar ishin të përfshirë dhe po kërkojnë ndihmën e publikut për të identifikuar se kush është përgjegjës. /arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm