Mbrojtësi i Juventusit, Danilo, ka diskutuar se si ata kanë luftuar për të përballuar largimin e Cristiano Ronaldos në verë.

Sulmuesi portugez kishte qenë golashënuesi kryesor i klubit dhe ata kryesisht zhvillonin lojën e tyre që ai të shënonte gola.

Megjithatë, ai u largua nga klubi në fillim të këtij sezoni dhe i la Bianconerët të shkurtër në sulm, një lëvizje që e detyroi klubin të kthente Moise Kean nga Everton në huazim.

Sulmuesi italian nuk ka arritur formën më të mirë dhe në fillim të këtij sezoni, Juve ka luftuar për të shënuar gola.

Danilo pranon se kur një top lojtari si Ronaldo largohet nga ekipi jauj, në mënyrë të pashmangshme, ndikimi i tij do të ndihet në klub dhe kjo është pikërisht ajo që ndodhi me ta.

Ata duhej të fillonin të ndanin barrën e golit mes tyre. Në një intervistë për Football Italia ai tha: “Është e natyrshme që ka një ndikim te lojtarët kur dikush i asaj cilësie largohet, veçanërisht duke marrë parasysh mënyrën se si shkoi, me pasiguri deri në ditën e fundit”, shtoi Danilo.

“Ai ishte një pikë referimi në fushë, kështu që më pas ne duhet të mblidheshim, të ndanim golat dhe mundësitë e shënimit që më parë ishin vetëm për Cristiano Ronaldon” tha anësori brazilian./Arbresh.info