Danimarka ka njoftuar se do të vërë në dispozicion të NATO-s një batalion prej 800 trupash ushtarake në shtetet baltike për shkak të kërcënimit rus.
Vendi nordik ka dërguar tashmë rreth 200 njerëz dhe avionë luftarakë në Estoni dhe Lituani, transmeton portal arbresh.info
“Ne tashmë jemi në terren, por jemi duke bërë ende më shumë”, tha kryeministrja Mette Frederiksen në një konferencë shtypi.
“Kjo është arsyeja pse qeveria do të propozojë dërgimin e një batalioni me rreth 800 ushtarë në vendet baltike,” tha ajo në një konferencë kushtuar ndihmës daneze në krizën ukrainase.
Batalioni është tashmë në gjendje gatishmërie dhe mund të dërgohet në rast nevoje.
NATO duhet të bëjë një kërkesë zyrtare që Danimarka të jetë në gjendje të dërgojë ato trupa në terren, shtoi kryeministrja.
Fredriksen do të jetë në Estoni, Letoni dhe Lituani të mërkurën dhe të enjten me kryetarët e partive daneze për të vizituar trupat daneze.
Lajmi vjen pas një fjalimi të presidentit ukrainas Volodymyr Zelensky të martën në parlamentin danez, ku ai falënderoi Kopenhagen për ndihmën e saj.
Danimarka, si shumë vende tjera europiane, ka dërguar armë në Ukrainë për të ndihmuar forcat ukrainase që të mbrohen nga pushtimi rus./arbresh.info/
Sarrazin: Kosova rrezikon izolimin për shkak të ndalimit të ...
Maliqi kërkon ndryshimin e udhëzimit administrativ që ndalon...
Kurti takoi përfaqësues të shoqatave të diasporës sonë në Ve...
Edon Zhegrova pushton sërish formacionin e javës në Ligue 1 ...
Samiti për të Ardhmen, Hasani: Shqipëria e përkushtuar ndaj ...
1,367 gjoba të shqiptuara brenda një javë në rajonin e Feriz...