Google ADS

Roma kërkon 120 milionë euro për Tammy Abrahamin pas interesimit nga Premier League

13:21 | 24 Mars 2022
Lorik Gerbeshi

Tammy Abraham është njeriu i momentit këtë edicion te Roma.

Sulmuesi anglez ka shfaqur formë fantastike në gjysmën e dytë të sezonit pas një fillimi shumë të vështirë.

24-vjeçari ka realizuar 23 gola mes kampionatit, Kupës së Italisë dhe Ligës së Konferencës në 38 ndeshje për Romën.

Duke parë formën e jashtëzakonshme që po kalon Abraham, skuadrat angleze kanë shprehur interesim për të.

Daily Mail ka raportuar se Roma për të shmangur interesimin nga ekipet angleze i ka vendosur një çmim të lartë sulmuesit të tyre kryesor.

Giallorosët për largimin e yllit kryesor të tyre duan 120 milionë euro.

Kujtojmë që Chelsea ka një klauzolë për ta riblerë reprezentuesin anglez për 80 milionë euro, por kjo klauzolë futet në fuqi vetëm në verën e vitit 2023.

Shpërndaje në rrjete sociale

Lajmet më të lexuara

Të ngjashme

Foto lajm