Ish-kryeministri i Kosovës, Avdullah Hoti ka thënë se shtyrja për një vit të projektit të gazit amerikan përmes Korporatës së Sfidave të Mijëvjeçarit (MCC) ishte gabim.
Hoti përmes një postimi Facebook, ka theksuar se projektet e Marrëveshjes së Washintonit nuk mund të shtyhen, duke shtuar se këto janë interes strategjik i Kosovës dhe i Shteteve të Bashkuara të Amerikës, shkruan arbresh.info
Hoti thotë se kjo Marrëveshje mbetet më e rëndësishmja që ka nënshkruar vendi ynë që nga shpallja e pavarësisë.
Postim i tij i plotë:
Shtyrja e projektit të gazit përmes MCC për një vit ishte gabim.
Megjithatë, mirë që po e kuptojnë se projektet e Marrëveshjes së Washingtonit mund të shtyhen, por nuk mund të anulohen. Ato projekte janë interes strategjik i Kosovës dhe i SHBA-së. Duhet pasur vizion euro-atlantik për të ardhmen e shtetin e Kosovës për të kuptuar rëndësinë strategjike të këtyre projekteve.
Furnizimi me gaz dhe hekurudha për Durrës janë dy nga këto projekte që do ta transformojnë ekonominë e Kosovës, siç e ka transformuar autostrada Prishtinë-Durrës e ideuar nga Presidenti Rugova.
Marrëveshja e Uashingtonit, e nënshkruar në Zyrën Ovale të Shtëpisë së Bardhë, mbetet marrëveshja më e rëndësishme që ka nënshkruar Kosova që nga shpallja e pavarësisë.
Zoti e bekoftë miqësinë e Kosovës me SHBA-në. / arbresh.info/
Haradinaj dekoron Medën me medaljen “Me besim në Zot, Atdhe ...
Trajnimi nga ICITAP, Hoxha: AMP-së, mbështetje për të forcua...
Po bënin gara me vetura, gjobitën dy shoferë në Vushtrri – u...
Claudio Bravo edhe pse i pensionuar i gatshëm të rikthehet t...
Vitia dhe Shefja e Zyrës së UNICEF-it në Kosovë flasin rreth...
AGK: Numri i sulmeve ndaj gazetarëve në vitin 2023 është rri...