Ukrainë, mbi 8 mijë civilë të evakuuar në 24 orët e fundit

22:53 | 22 Mars 2022
Trina Galanxhi

Zëvendëskryeministrja e Ukrainës, Iryna Vereshchuk, njoftoi se kanë arritur të evakuojnë vetëm 8.057 civilë në zona të sigurta përmes korridoreve të ndihmës humanitare në 24 orët e fundit, transmeton Anadolu Agency (AA).

Vereshchuk tha në një video-mesazh se shtatë nga tetë korridoret humanitare të miratuara për evakuimin e civilëve më 21 mars janë duke funksionuar.

Duke theksuar se kanë arritur të evakuojnë 8.057 persona në zona të sigurta në 24 orët e fundit, pavarësisht vështirësive të ndryshme, Vereshchuk tha: “3.007 civilë nga Mariupoli janë nxjerrë drejt qytetit e Zaporizhzhia. 4.370 njerëz u evakuuan nga fshatrat në rajonin e Kievit”.

Vereshchuk shtoi se kanë lejuar që autobusët e evakuimit të arrinin shpejt në pikat e grumbullimit për shkak të vështirësive të krijuara nga trupat pushtuese, veçanërisht në pikat e kontrollit në rrugën e Mariupolit.

Shpërndaje në rrjete sociale

Lajmet më të lexuara

Të ngjashme

Foto lajm