Shtëpia e Bardhë ka njoftuar sot për vizitën e Këshilltares për Siguri Kombëtare të Presidentit Joe Biden, Liz Sherwood-Randall në Kosovë gjatë kësaj jave, ku thuhet se ajo ka përsëritur përkushtimin e palëkundur të Shteteve të Bashkuara të Amerikës për sovranitetin dhe integritetin territorial të Kosovës.
Në komunikatën zyrtare, thuhet se gjatë qëndrimit të saj në Kosovë, Këshilltarja e Lartë është takuar me Presidenten e Kosovës Vjosa Osmani-Sadriu, kryeministrin Albin Kurti si dhe ka vizituar kampet “Liya” dhe “Bondsteel”.
“Dr. Sherwood-Ramdall ka përsëritur përkushtimin e palëkundur të Shteteve të Bashkuara për sovranitetin, integritetin territorial të Kosovës dhe sigurinë rajonale, siç dëshmohet edhe përmes udhëheqjes së qëndrueshme të SHBA-së në misionin e NATO-s në Forcën për Kosovën (KFOR) dhe mbështetjes thelbësore për Forcën e Sigurisë së Kosovës (FSK), e cila vazhdon zbatimin e planit dhjetëvjeçar”, thuhet në njoftimin e Shtëpisë së Bardhë.
Po ashtu, thuhet se Sherwood-Randall ka shprehur falënderime të thella për Presidenten Osmani dhe Kryeministrin Kurti për përkrahjen e vazhdueshme në strehimin e refugjatëve afganë në Kampin “Liya”, për partneritetin kundër terrorizmit si dhe për aktet e solidaritetit me popullin ukrainas.
Propozimi për anëtarësimin në Këshillin e Sigurimit të OKB-s...
Vullin: Sa të jetë Vuçiqi president dhe unë në qeveri, Kosov...
Kurti takoi Ndihmës Sekretarin e Shtetit, James O’Brie...
Presidentja Osmani takoi Presidentin e Malawit: Kosova është...
Policia shpall në kërkim një të dyshuar për rrëmbim
Mblidhet Kryesia e Kuvendit të hënën