Gjendet drogë në objekte hotelierike në Shkup, tetë persona të arrestuar

13:35 | 19 Mars 2022
L G

Gjatë kontrollit të mbrëmshëm të objekteve hotelierike në Shkup, policia ka kontrolluar mbi njëzet persona dhe te tetë prej tyre është gjetur drogë.

Nga MPB informojnë se dje zyrtarë policorë nga Njësia për tregti të kundërligjshme të SPB Shkup dhe Njësiti policor për intervenim të SPB Shkup, duke vepruar sipas planit të veprimit për parandalimin e krimeve nga nenet 215 dhe 216 të Kodit Penal të RSM në qytet, në objektet hotelierike të Shkupit janë kontrolluar mbi njëzet persona.

“Pas marrjes në pyetje janë privuar nga liria: A.S (19), FA (25), N.S (31), A.A (24) të gjithë nga Shkupi, A.M (26) nga Manastiri, D.G (27) nga Kumanova dhe M.M (22) nga Gostivari si dhe një i mitur nga Shkupi për shkak se në to është gjetur kokainë, amfetaminë, marihuanë”, njofton policia.

Pas dokumentimit të plotë të rastit, do të pasojnë parashtresat përkatëse./AlsatM/

Shpërndaje në rrjete sociale

Lajmet më të lexuara

Të ngjashme

Foto lajm