Gjykata Ndërkombëtare e Drejtësisë ka urdhëruar shtetin rus që të ndalojë agresion në Ukrainë.

“Federata Ruse do të pezullojë menjëherë operacionet ushtarake që filloi më 24 shkurt 2022 në territorin e Ukrainës”, thanë gjyqtarët.

Gjykatësit shtuan se Rusia gjithashtu duhet të sigurojë që forcat e tjera nën kontrollin e saj ose të mbështetura nga Moska nuk duhet të vazhdojnë operacionin ushtarak.

Presidenti ukrainas, Volodymyr Zelensky ka mirëpritur vendimin e GJND-së.

“Ukraina korri një fitore të plotë në çështjen e saj kundër Rusisë në Gjykatën Ndërkombëtare të Drejtësisë. GJND-ja urdhëroi ndalimin e menjëhershëm të pushtimit”, ka shkruar fillimisht ai.

Sipas tij, urdhri është i detyrueshëm sipas ligjit ndërkombëtar dhe se Rusia duhet ta respektojë menjëherë. “Injorimi i urdhrit do ta izolojë edhe më tej Rusinë”, ka shkruar ukrainasi në Twitter.

Ukraine gained a complete victory in its case against Russia at the International Court of Justice. The ICJ ordered to immediately stop the invasion. The order is binding under international law. Russia must comply immediately. Ignoring the order will isolate Russia even further

— Володимир Зеленський (@ZelenskyyUa) March 16, 2022

Ndryshe, GJND-ja ka nisur tashmë hetimet për krimet e mundshme ruse kundër njerëzimit në Ukrainë.