Pas pozicionimit të Erdoğan dhe Scholz në foltoren ceremoniale u kryen 21 të shtëna me top dhe u intonuan himnet kombëtare të të dy vendeve.
Presidenti i Turqisë, Recep Tayyip Erdoğan, ka pritur me një ceremoni zyrtare kancelarin e Gjermanisë, Olaf Scholz i cili ndodhet në Turqi për një vizitë zyrtare.
Automjeti i kancelarit Scholz u prit përpara kompleksit presidencial në Ankara nga kalorësit të cilët e shoqëruan deri në hyrjen e protokollit.
Pas pozicionimit të Erdoğan dhe Scholz në foltoren ceremoniale u kryen 21 të shtëna me top dhe u intonuan himnet kombëtare të të dy vendeve.
Teksa Scholz përshëndeti trupën ceremoniale, në ceremoni të pranishëm ishin edhe flamuj dhe ushtarë që përfaqësojnë themelimin e 16 shteteve turke të formuara në histori.
Pas prezantimit të delegacioneve përkatëse të dy vendeve, Erdoğan dhe Scholz pozuan për gazetarët përpara flamujve të Turqisë dhe Gjermanisë.
Erdoğan dhe Scholz do të mbajnë një konferencë të përbashkët për media pas takimit kokë më kokë dhe takimit ndërmjet dy delegacioneve.
Në ceremoni të pranishëm ishin edhe kreu i Komunikimeve i Presidencës së Turqisë, Fahrettin Altun, zëdhënësi presidencial, İbrahim Kalın, si dhe prefekti i Ankarasë, Vasip Şahin./AA/
Rusia paralajmëron “pasoja katastrofike” nëse Perëndimi dhe ...
“Me asnjë vend tjetër”, Rama: Marrëveshja për emigrantët ësh...
Plagoset një person në Mitrovicë
Trump: Zgjedhjet në SHBA, ndër më të rëndësishmet në histori...
Dejona Mihali po intervistohet nga Prokuroria Speciale për d...
Ismaili takoi Përfaqësuesin e Thesarit të SHBA-së, diskutuan...