Pas eliminimit nga Champions League, tifozët e PSG janë shumë të zemëruar me ekipin, me Pochettinon dhe me Al-Khelaifi.
Me lojtarë si Kylian Mbappe, Lionel Messi dhe Neymar që drejtojnë një ekip të mbushur me yje, vendi i parë në Ligue 1 duket të jetë i pamjaftueshëm për të shuar zemërimin e tifozëve për dështimin në Evropë.
Tifozët ultras të Paris lëshuan një deklaratë në të cilën “godasin” ekipin.
“Zhgënjimi i papranueshëm dhe i pashmangshëm që kishim frikë dhe parashikuam fatkeqësisht ka ndodhur,” fillon deklarata e lëshuar nga Collectif Ultra Paris.
“Si mund të keni një plan të vërtetë loje kur skuadra juaj nuk është gjë tjetër veçse një grup ‘yjesh’ që mezi plotësojnë njëri-tjetrin?
“Si mundet një trajner të jetë udhëheqësi i respektuar i dhomës së zhveshjes kur ai nuk është qartë vendimmarrësi i vërtetë?
“Si mund të rindërtoni një skuadër kur zëvendësuesit e përjetshëm mund të shohin me kënaqësi kontratat e tyre me paga kaq komode?”
Deklarata e Kolektivit vazhdon të kërkojë largimin e Al-Khelaifi, duke pohuar se: “Nasser Al-Khelaifi, është e qartë se ai nuk është njeriu për këtë detyrë. Situata aktuale e klubit kërkon riorganizim të plotë në të gjitha nivelet”, shkruajnë ultrasit e PSG-së.
Shkrumbohet një banesë në Lushnje
Agjenti konfirmon rikthimin e Mario Balotellit në Serie A
Britania dhe Kina japin shenja pajtimi gjatë vizitës së krye...
Femra vendosni: Këto janë karakteristikat kryesore të mashku...
Ushqimet për një fytyrë pa rrudha
Kurti në Paris, fton kompanitë franceze që të investojnë në ...