Milani para disa ditësh mblodhi 60,000 euro për Ukrainën, ndërsa sot Juventusi dërgoi dy autobusë për të sjellë 80 refugjatë në Itali nga kufiri hungarez.

Klubet në të gjithë botën po përpiqen të ndihmojnë popullsinë e shkatërruar nga lufta në Ukrainë në çdo mënyrë që munden pas pushtimit të Rusisë.

Milani zbuloi një fanellë të re të edicionit special të dizajnuar me Andriy Shevchenko dhe të gjitha të ardhurat do të shkojnë për të ndihmuar popullin e Ukrainës.

Ndërkohë, Juventus njoftoi se kishte dërguar autobusët e klubit për të shpërndarë artikuj ushqimor, ilaçe dhe veshje për njerëzit në kufirin me Hungarinë në Zahony.

The departure from Zahony, on the border between Hungary and Ukraine.

Juventus assists in the humanitarian emergency: https://t.co/wR9cHCIxo6 pic.twitter.com/5sFp6xb4j0

— JuventusFC (@juventusfcen) March 12, 2022

Kjo nuk ishte e gjitha, pasi ata vendosën të përdornin autobusët e klubit për të sjellë me vete refugjatët në Itali.

Një deklaratë shtypi e klubit konfirmon se refugjatët janë kryesisht fëmijë të moshës 6 deri në 14 vjeç, së bashku me nënat e tyre.

Këto përfshihen edhe fëmijët që ishin pjesë e shkollave të futbollit në Kiev, Kharkhiv dhe zona të tjera nën bombardime të rënda.

An outstretched hand for those who are suffering from war.
Food, medicine and clothes delivered.
80 refugees brought back to Italy.https://t.co/wR9cHCIxo6 pic.twitter.com/r64tEq95qi

— JuventusFC (@juventusfcen) March 12, 2022

Midis atyre që morën pjesë në udhëtimin vajtje-ardhje prej 2,800 km ishin menaxheri i përgjithshëm i Juventusit, Maurizio Arrivabene dhe shefi i Departamentit të Mjekësisë, Luca Stefanini.

Fëmijët dhe nënat e tyre janë dërguar në hotele pranë Cuneos në rajonin e Piemonte.