Kryetari Glauk Konjufca ngushëllon familjen e ish-kryetarit të Komunës së Istogut, Haki Rugova

16:52 | 9 Mars 2022
KRG

Kryetari i Kuvendit të Republikës së Kosovës, Glauk Konjufca, nëpërmjet një telegrami ka ngushëlluar familjen Rugova, për vdekjen e ish-kryetarit të Komunës së Istogut, Haki Rugova, përcjell arbresh.info.

“E nderuar familje Rugova,

Me pikëllim mora lajmin për vdekjen e papritur të veprimtarit politik dhe ish-kryetarit shumëvjeçar të Komunës së Istogut, Haki Rugova.

Haki Rugova ia dedikoi një pjesë të madhe të jetës së tij ndërtimit të institucioneve, qeverisjes dhe zhvillimit demokratik të vendit, duke mbetur kështu në kujtesën institucionale të Kosovës.

Ngushëllime familjes Rugova, të afërmve, miqve, bashkëpunëtorëve, Kryesisë së LDK-së dhe të gjithë qytetarëve të Istogut.

U prehtë në paqe!”, thuhet në telegramin e kryetarit Konjufca. /arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm