Drejtoria Rajonale e Policisë në Ferizaj në bashkëpunim me Drejtorinë e Arsimit të komunës së Ferizajt, ka ftuar në takim të gjithë drejtorët e shkollave të mesme të larta dhe të ulta të Ferizajt, takim ky që u mbajt sot në sallën e kuvendit të komunës së Ferizajt, thuhet në një komunikatë për media.
Të pranishëm në këtë takim ishin edhe përfaqësues të Prokurorisë Themelore dhe Gjykatës Themelore në Ferizaj.
Drejtori Rajonal i policisë, Nënkoloneli Basri Shabani para të pranishmëve prezantoi një raport të ligjeratave të mbajtuara në të gjitha shkollat e komunës së Ferizajt, me tema të ndryshme në vetëdijësimin e nxënësve në parandalim të dukurive negative , po ashtu shpalosi edhe trendin e rasteve kriminale që nga viti 2017 deri në vitin 2021 dhe aksionet e policisë nëpër shkolla.
Në këtë takim, veç tjerash u diskutua situata e sigurisë në shkolla dhe në afërsi të shkollave. U vlerësua dhe u lavdërua puna e mirë e policisë, aksioni i Sektorit Rajonal të Hetimeve i nisur që në dhjetor të vitit 2021, i cili aksion po vazhdon edhe këtë stinor , në identifikimin dhe kapjen e personave që prishin rendin dhe qetësinë publike rreth dhe nëpër shkolla.
Drejtori Rajonal i Policisë i siguroi të pranishmit se, policia do të vazhdojë me ligjerata në shkolla dhe do të shtojë aktivitetet e policisë, veç policëve me uniformë do të angazhojë edhe pjesëtarë të policisë me rroba civile në parandalim të dukurive negative rreth dhe nëpër shkolla./arbresh.info/
Shujtat e FSK-së, Tahiri: Gjendje shqetësuese, ushtria s’duh...
Nga janari deri në shtator, 70 të vdekur në aksidente trafik...
Rexhbeçaj pas fitores ndaj Lituanisë: Treguam forcën tonë si...
Elegante në të kuqe, Kader Kicaj vazhdon të mahnitë fansat m...
Yamal largohet nga kampi spanjoll rikthehet tek Barcelona
Vetaksident në autostradën “Ibrahim Rugova”, vdes një person