Të mërkurën pritet të vazhdojë konferenca e përgatitjes së mbrojtjes në gjykimin ndaj Salih Mustafës.
Seanca sipas njoftimit të Dhomave të Specializuara pritet të fillojë në orën 14:30, shkruan arbresh.info.
“Konferenca përgatitore për Mbrojtjen në çështjen gjyqësore Mustafa përfundoi për ditën e sotme dhe do të vazhdojë nesër, më 9 mars, në orën 14:30”, thuhet në njoftim.
Ndryshe, aktakuza ndaj Mustafës është konfirmuar më 12 qershor 2020.
“Aktakuza e konfirmuar përcakton se afërsisht midis 1 prillit 1999 dhe 19 prillit 1999, në një kompleks ndalimi në Zllash, Kosovë, u kryen krimet e ndalimit arbitrar, trajtimit mizor dhe të torturës kundër të paktën gjashtë personave. Gjithashtu, në aktakuzë thuhet se në një datë midis 19 prillit 1999, ose rreth kësaj date, dhe rreth fundit të prillit 1999, në atë vendndodhje u vra një i ndaluar”, ka njoftuar Gjykata Speciale përmes një komunikate.
Bëhet e ditur se në aktakuzën e konfirmuar, Salih Mustafa akuzohet në kuadër të formave të ndryshme të përgjegjësisë penale, për: ndalim arbitrar, trajtim mizor, torturë dhe vrasje të paligjshme si krime lufte të kryera në kontekstin e konfliktit të armatosur jo ndërkombëtar në Kosovë, ose në lidhje me atë konflikt./arbresh.info/
LEXO EDHE
Kurti takoi përfaqësues të shoqatave të diasporës sonë në Ve...
Edon Zhegrova pushton sërish formacionin e javës në Ligue 1 ...
Samiti për të Ardhmen, Hasani: Shqipëria e përkushtuar ndaj ...
1,367 gjoba të shqiptuara brenda një javë në rajonin e Feriz...
Policia realizon mbi 230 urdhëresa të gjykatave në rajonin e...
Tërmet në Maqedoninë e Veriut