Google ADS

Xavi e kërkon transferimin e yllit të Napolit

19:17 | 6 Mars 2022
KRG

Barcelona raportohet se ka shprehur interesim për Kalidou Koulibaly, transferimin e të cilit do ta tentojë gjatë afatit kalimtar të verës.

Xavi Hernandez thuhet se ishte i impresionuar nga mbrojtësi në ndeshjen ndaj Napolit në Ligën e Evropës dhe ai nuk hezitoi t’i kërkonte presidentit Joan Laporta të tentojë transferimin e tij.

Sipas “El Nacional”, Barça e sheh Koulibalyn si zëvendësues të Ronald Araujos, i cili nuk ka pranuar ende të rinovojë kontratën, e cila i skadon në vitin e ardhshëm.

Megjithatë, transferimi i tij në “Camp Nou” po shihet si problem pasi 30-vjeçari besohet se është i lumtur në Itali. Gjithashtu, edhe Napoli vështirë se do të pranojë largimin e tij, pasi ai vlerësohet si një prej futbollistëve kyç te napolitanët.

Sidoqoftë, qendërmbrojtësi senegalez besohet se është opsioni më i pëlqyer i katalunasve. Dhe, çmimi i tij prej rreth 30 milionë eurove, nuk shihet si problem.

Kontrata e Kalidou Koulibalyt me Napolin skadon në verën e vitit të ardhshëm.

Shpërndaje në rrjete sociale

Lajmet më të lexuara

Të ngjashme

Foto lajm