Putini arreston mijëra rusë që protestuan kundër luftës

16:20 | 6 Mars 2022
A. B.

Rreth 2500 persona janë arrestuar të dielën në protestat kundër operacioniot ushtarak të Rusisë në Ukrainë, kanë thënë policia ruse, shkruan the Guardian.

Në Rusi kanë vazhduar të arrestohen qytetarët, të cilët dalin kundër dhe protestojnë ndaj vendimit të presidentit Vladimir Putin për ta sulmuar Ukrainën.

Një zëdhënës policer ka thënë se 1700 qytetarë u arrestuan në Moskë, pasi rreth 2500 veta morën pjesë në një “protestë të pasanksionuar”. Ndërsa, 750 të tjerë janë arrestuar në një tubim tjetër në qytetin e dytë më të madh të Rusisë, në Shën Petersburg. Për këto ka raportuar agjencia ruse e lajmeve.

Prej kur Rusia ka nisur sulmet ushtarake në territorin e Ukrainës, më 24 shkurt, qytetarët rusë kanë organizuar kohë pas kohë tubime në Moskë dhe në qytete tjera ruse, për të kundërshtuar vendimin e shtetit të tyre.

Nga të gjitha tubimet, policia ruse ka arrestuar qytetarë, të cilët nga pushteti i Putinit janë shenjëstruar si antishtetërorë. /arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm