Fondi i Kombeve të Bashkuara për Fëmijët (UNICEF) ka njoftuar se në 7 ditë e para të luftës Rusi-Ukrainë, 500 mijë fëmijë janë detyruar të largohen nga shtëpitë e tyre, raporton Anadolu Agency (AA).
Zëdhënësi i UNICEF-it, James Elder, në konferencën për media në zyrën e OKB-së në Gjenevë, tha se “Konflikti në rritje do të thotë se 500 mijë fëmijë u detyruan të largoheshin nga shtëpitë e tyre vetëm në 7 dite”.
Ai tërhoqi vëmendjen se zhvendosja e fëmijëve në këtë shkallë dhe ritëm është “një rast paprecedent”, duke theksuar se në rast të mos ndalimit të sulmeve më shumë fëmijë ukrainas do te detyrohen të braktisin vendin e tyre.
“Kemi frikë se do të vriten më shumë fëmijë”, tha Elder duke shtuar se përderisa lufta vazhdonte, dje mijëra fëmijë kaluan një natë të tmerrshme në strehimoret në ftohtin e acartë.
Jens Laerke, zëdhënësi i Zyrës së OKB-së për Koordinimin e Çështjeve Humanitare, nga ana tjetër, shprehu mirënjohjen që palët kanë arritur marrëveshje për krijimin e një korridori humanitar për evakuimin e civilëve.
Agjencia e OKB-së për Refugjatë (UNHCR) njofton se mbi 1 milion njerëz janë larguar nga Ukraina drejt vendeve fqinje.
Gjashtë të vrarë në një sulm izraelit në Bejrut
Ambasadori britanik: Autorët e sulmit në Banjskë të sillen p...
Vrasje në tentativë në Klinë, arrestohet i dyshuari
Milot Rashica pjesë e formacionit të javës në Turqi
Anija “Oriku”, stërvitje të përbashkët me anijen gjermane Pe...
Vajza e Afrim Bunjakut: Askush nuk e mbush boshllëkun tënd, ...